Italiani filloi kundër Sampdorias të dielën mbrëma, por u lëndua gjatë pushimit, ndërsa Pogba nuk u përfshi në listën e skuadrës për shkak të një dëmtimi muskulor.
Të dy lojtarët iu nënshtruan kontrolleve mjekësore në ‘J Medical’ të hënën në mëngjes.
“Bonucci pësoi një traumë të mprehtë në këmbën e tij të majtë dhe gjendja e tij do të monitorohet çdo ditë, ndërkohë që Paul Pogba pësoi një çarje të shkallës së ulët në aduktorin e kofshës së tij të djathtë”, thuhet në deklaratën zyrtare të klubit.
Ai [Pogba] ka filluar tashmë me procesin e rehabilitimit që synon rifillimin e aktivitetit konkurrues.
Të dy lojtarët pritet të mungojnë në ndeshjen e dytë të raundit të 16-të të Europa League kundër SC Freiburg të së enjtes.
Pogba ka bërë vetëm dy paraqitje për ‘Zonjën e Vjetër’ që nga rikthimi i tij si agjent i lirë nga Manchester United verën e kaluar, kur nënshkroi një marrëveshje katërvjeçare me ‘Bianconerët’.
Bonucci është përballur edhe me disa lëndime këtë sezon duke munguar në 13 ndeshje në të gjitha garat. Italiani ka luajtur 21 ndeshje këtë sezon, duke shënuar dy gola.
