Juventus kishin shumë opsione në tavolinë gjatë merkatos së verës.
Skuadra nga Torino, Juventus, ishin skuadër mjaft aktive gjatë merkatos së verës. Ata lidheshin edhe me transferimin e Houssem Aouar, por këtë lëvizje nuk e finalizuan dot.
Megjithatë, duket se dështimi nuk erdhi nga pamundësia, por ishte zgjedhje e bërë nga Juve.
Sipas Gianluca Di Marzio, Juve kishte mundësinë të transferonte Houssem Aouar, por zgjodhën Federico Chiesa, transmeton lajmi.net.
Zgjedhja ishte bërë me arsyetimin se Andrea Pirlo kishte më shumë nevojë për një lojtar anësor.
Chiesa ka përvojën e duhur në Serie A, pasi luante me Fiorentinën.
