Janë paguar 89.455.245 denarë për 5.851 prodhues të qumështit

Agjencia e pagesave njoftoi se sot janë paguar 89.455.245 denarë për 5.851 prodhues të qumështit për qumësht të prodhuar dhe dorëzuar lopë, dele dhe dhie.

Pagesat i referohen qumështit të dorëzuar në qershor dhe korrik 2021 sipas sasive të raportuara nga objektet e përpunimit.

Përfitues të kësaj mbështetje janë ekonomitë bujqësore të regjistruara si mbarështues të lopëve, deleve dhe dhive në Regjistrin e Fermave Mbarështuese.

Shuma e pagesave direkte është 3.5 denarë për litër qumësht lope të prodhuar dhe dorëzuar në objektet përpunuese të regjistruara në regjistrin e blerësve të produkteve bujqësore dhe 4.5 denarë për litër për qumësht të prodhuar dhe dorëzuar të deleve dhe dhive.

“Vazhdojmë me pagesën e mbështetjes financiare për prodhuesit e qumështit. Në muajin tetor janë paguar sasitë e dorëzuara për pesë muaj, ndërsa në periudhën e ardhshme do të bëhet mbështetja për sasitë e dorëzuara për muajin gusht dhe shtator. Gjithashtu, AFPZRR është duke u përgatitur për pagesën e mbështetjes financiare për kulturat e dorëzuara të kopshteve dhe kulturave të frutave”, informon drejtori Baçovski.