Itali, qindra zogj ngordhin pas fishekzjarrëve të Vitit të Ri

Qindra zogj ngordhën në Romë pas fishekzjarrëve që u shkrepën për natën e Vitit të Ri, njoftoi grupi për mbrojtjen e kafshëve, i cili e quajti atë që ndodhi një masakër.

Pamjet e rrugëve pranë stacionit kryesor të trenit në Romë treguan dhjetëra zogj të shtrirë pa jetë në tokë, raporton AP.

Shkaku i ngordhjes është ende i panjohur, por Organizata Ndërkombëtare për Mbrojtjen e Kafshëve deklaron se ajo ka të ngjarë të ketë lidhje me tingullin e fortë të fishekzjarrëve në një zonë të pasur me pemë në të cilën shumë zogj bëjnë folenë e tyre.

Një zëdhënëse e kësaj organizate pretendon se është e mundur që zogjtë të kenë ngordhur nga frika.

Ata mund të fluturojnë së bashku dhe të godasin njëri-tjetrin ose të godasin dritare ose linja elektrike dhe gjithashtu mund të ngordhin nga një sulm në zemër, tha ajo.

Fishekzjarrët çdo vit çojnë në ngacmime dhe lëndime të kafshëve shtëpiake dhe të egra.

Një numër jashtëzakonisht i madh zogjsh ngordhën në Romë vitin që lamë pas, pavarësisht nga ajo se kryeqyteti italian që ndalon qytetarët të ndezin fishekzjarr, të cilat ata kryesisht nuk i përfillën, dhe pavarësisht nga ora policore që është në fuqi nga 20:00 e mbrëmjes.

Dega e Organizatës Ndërkombëtare për Mbrojtjen e Kafshëve në Itali bëri thirrje për vendosjen e ndalimeve në shitjen e fishekzjarrëve për përdorim personal, për shkak të kërcënimeve që ato paraqesin ndaj kafshëve.