Kryetari i AAK-së Ramush Haradinaj ka thënë se shpreson që kryeminstri Albin Kurti të mos gabojë në procesin e dialogut me Serbinë, pasi çdo dështim do të ishte me pasoja afatgjate.
“Çfarëdo marrëveshje që nuk përfshin njohje është e papranueshme. Arritja e njohjes reciproke, gjithëpërfshirëse dhe obligative ligjore, këto janë kushtet. Duke i ruajtur, integritetin, sovranitetin dhe kushtetutshmërinë. Në këtë rrugë nuk përtoj të bashkëpunoj me Kurtin, sepse besoj se mund të arrijmë synimet tona si shtet”, tha ai.
