Zëvendëskryeministri i parë, Artan Grubi ka uruar Emmanul Macronin për rizgjedhjen si president i Francës, transmeton TV21.
Grubi shprehu pritshmëri që Franca, në krye me Macronin të mbështesë Maqedoninë e Veriut në rrugëtimin europian.
“Populli i Francës vendosi që Emmanuel Macron t’ju prijë sërish proceseve të rëndësishme politike nga pozita e kryetarit të shtetit. Përgëzoj mikun e vendit tonë presidentin Macron për fitoren, ndërsa Francën mike për procesin e zhvilluar demokratik zgjedhor. Bashkë shohim drejt horizontit të përforcimit të bashkëpunimit të vendeve tona dhe presim përkrahje edhe më të madhe në rrugëtimin е integrimit tonë europian”, shkroi Grubi në Facebook.
