Kryeministrit të Kosovës, Avdullah Hoti i është ndërprerë fjala në diskutimin për dialogun që është organizuar nga shoqëria civile.
Dy gra anëtare të PSD-së kanë protestuar duke hedhur letra para tij si shenjë e dhunës ndaj grave.
Ato kanë kërkuar që prioritet i kryeministrit të jetë mbrojtja e jetës së grave, sepse siç thanë dialogu me Serbinë do të vazhdojë gjithmonë.
Por kryeministri tha se ai gjithmonë i ka dalë në mbrojtje kauzës së mbrojtjes së drejtave të grave.
Pas këtij aksioni, shefi i ekzekutivit kosovar po vazhdon diskutimin për dialogun me Serbinë.
