Një klub i Ligës Premier raportohet se po planifikon të bëjë një ofertë për Aurelien Tchouamenin në janar me Real Madridin që është i gatshëm ta shesë atë.
Reprezentuesi francez iu bashkua madrilenëve në verën e vitit 2022, duke pranuar më vonë se ai kishte refuzuar një ofertë nga Liverpooli për t’u transferuar në Spanjë.
Ai u kualifikua në finale të Botërorit me Francën në vitin 2022 dhe ishte pjesë e ekipit të Realit që fitoi Ligën e Kampionëve sezonin e kaluar.
Sidoqoftë, ai pësoi një lëndim në gjysmëfinale të këtij kompeticioni ndaj Bayern Munichut duke bërë që të mos jetë në gjendje të luajë në finale ndaj Dortmundit.
Sipas raportimeve, Reali është i gatshëm që të ndajë rrugët me mesfushorin për të krijuar fonde për transferimin e lojtarëve tjerë, përkundër faktit që ai ka nënshkruar një kontratë gjashtëvjeçare me ta.
Tani TEAMtalk ka raportuar se Liverpooli po eksploron mundësinë e transferimit të Tchouamenit me trajnerin Arne Slot që thuhet se e do atë në ekipin e tij.
‘Të Kuqtë’ ishin të sigurt në verë se Martin Zubimendi ishte objektivi i tyre i vetëm për rolin e mesfushorit defanziv, një pozitë të cilën klubi është i vendosur ta përforcojë.
Kujtojmë se Tchouameni ishte po ashtu një dëshirë e madhe e Jurgen Klopp i cili para se të largohej nga Liverpooli kishte kërkuar transferimin e tij.
