Këshilli i Sigurisë Kombëtare i Gjermanisë ka diskutuar incidentin me dron në aeroportin Leipzig/Halle, tha të premten zëdhënësi i qeverisë Stefan Kornelius.
Këshilli foli në telefon, me kancelarin Friedrich Merz që udhëhoqi thirrjen, tha Kornelius.
Merz është në kontakt të shpeshtë me Ministrin e Brendshëm, Alexander Dobrindt dhe anëtarë të tjerë të qeverisë lidhur me incidentin, tha ai.
Takimi vjen pas zbulimit të një droni që mbante një pajisje shpërthyese pranë një avioni mallrash ukrainas në aeroport të martën vonë.
Një objekt i dytë i paidentifikuar goditi gjithashtu një avion mallrash të DHL pranë aeroportit.
Hetimet janë ende në një fazë të hershme, por Dobrindt nuk e ka përjashtuar përfshirjen e “fuqive të huaja”, dhe ka paralajmëruar se incidenti mund të ketë qenë pjesë e një “skenar sulmi hibrid”.
Këshilli i Sigurisë Kombëtare i Gjermanisë u krijua vitin e kaluar, me qëllim koordinimin e përgjegjësive të qeverisë federale për sigurinë e brendshme dhe të jashtme./ DPA News.
