Presidenti i Ukrainës, Volodymyr Zelensky, ka reaguar me kujdes ndaj raporteve se kancelari gjerman Olaf Scholz, ka rënë dakord të furnizojë Ukrainën me tanke luftarake Leopard 2.
“Shumë mund, fjalë dhe premtime”, tha ai në fjalimin e tij të përditshëm me video mbrëmë vonë.
“Por është e rëndësishme të shihet realiteti”, shtoi presidenti ukrainas.
“Nuk bëhet fjalë për pesë, as dhjetë, as pesëmbëdhjetë tanke. Nevoja është më e madhe. Çdo ditë ne bëjmë gjithçka që është e nevojshme për të plotësuar mungesën. Dhe unë jam mirënjohës për të gjithë ata që na mbështesin në këtë”, theksoi Zelensky
Për muaj të tërë, Zelensky i bëri thirrje Berlinit që t’i ofronte Kievit armë të rënda për t’iu kundërvënë forcave ruse.
Diskutimet për dorëzimin e tankeve tani duhet “të përfundojnë me vendime për forcimin e vërtetë të mbrojtjes sonë kundër terroristëve”, tha udhëheqësi ukrainas.
Pas javësh presioni në rritje ndaj Berlinit, burimet thanë të martën se qeveria gjermane kishte vendosur të furnizonte Ukrainën me tanke Leopard 2.
