Ministri i Brendshëm gjerman, Alexander Dobrindt tha se qeveria planifikon të zgjerojë ndjeshëm kapacitetet e mbrojtjes civile dhe mbrojtjes së popullsisë në përgjigje të kërcënimeve të sigurisë.
“Ne po forcojmë mbrojtjen e popullsisë dhe mbrojtjen civile”, tha Dobrindt për gazetën Bild në komentet e botuara të hënën, duke shtuar se Gjermania po mbante një qëndrim më të fortë kundër kërcënimeve hibride dhe po rriste mbështetjen për punonjësit vullnetarë të emergjencës.
Strukturat ushtarake dhe civile të mbrojtjes do të integrohen më ngushtë për të përmirësuar sigurinë dhe qëndrueshmërinë, tha ai.
Bild, duke cituar një draft të kabinetit, raportoi se qeveria po përgatiste një program të posaçëm me vlerë 10 miliardë euro (11.6 miliardë dollarë). Fondet do të përdoren për pajisje, ndërtesa, personel dhe teknologji shtesë, duke përfshirë edhe Agjencinë Federale për Ndihmë Teknike (THW).
Sipas raportit, Gjermania planifikon të blejë 1,000 automjete të reja të specializuara dhe 110,000 shtretër fushorë deri në vitin 2029./ DPA News.
© SYRI.net
