Cristiano Ronaldo ka luajtur 1001 ndeshje në karrierën e tij për klube dhe 205 për ekipin kombëtar dhe bëri seanca të panumërta stërvitore gjatë më shumë se 20 viteve të karrierës profesionale dhe dhjetë të tjera në kategoritë e reja.
Mbathja e këpucëve të futbollit dhe gjuajtja e topit çdo ditë i la gjurmë në këmbë yllit portugez.
Kjo është vënë re nga fansat e tij në rrjetet sociale, ku sulmuesi portugez i Al Nassr ka postuar një foto nga pushimet e tij.
Mbi të, së bashku me pishinën në planin e parë dhe detin në planin e dytë, duken këmbët e tij të papërsosura.
“Me siguri zgjohet çdo ditë me dhimbje të çmendura”, “gishtat e këmbëve i qajnë për ndihmë”, janë vetëm disa nga komentet e ndjekësve të Ronaldos pas fotos së publikuar.
Kjo nuk është hera e parë që për këmbët e Ronaldos diskutohet publikisht.
Një ish-bashëlojtar ishte gjithashtu i tmerruar
Është një anekdotë e famshme e treguar nga Ëeston McKennie nga ditët e tij në Juventus me Ronaldon. Gjatë një masazhi me Ronaldon, futbollisti amerikan pa këmbët e tij dhe u tmerrua.
“Këmbët e tua duken të tmerrshme”, i tha ai Ronaldos.
“Miku im, këto janë këmbë me vlerë një miliardë euro”, u përgjigj portugezi.
