Starti i sezonit të ri në Formula 1 vjen duke u afruar. Skuadrat po bëjnë përgatitjet e fundit para garës së parë që zhvillohet këtë vikend.
Pista e Bahrain sheh sezonin 2022 të marrë startin, me Mercedes, Red Bull e Ferrari në garë për titullin e kampionit.
Max Verstappen vjen në këtë sezon si kampioni në fuqi dhe synon të ruajë titullin e tij, përcjell lajmi.net. Por, ndonëse kampion në fuqi, ai nuk shihet favorit për të fituar këtë sezon – së paku nga kompanitë e basteve.
Është pikërisht rivali kryesor i tij, Lewis Hamilton i Mercedes, i cili është në ndjekje të një titulli rekord (8).
Hamilton kuotohet me 13/8 mundësi për t’u shpallur kampion botëror në 2022, derisa kampioni Max Verstappen është i dyti si favorit, me 7/4.
George Russell (Mercedes) është favoriti numër 3, me 13/2, i përcjell nga Charles Leclerc me 7/1, derisa piloti me gjasat më të vogla është Nicholas Latifi me 750/1.
Gara kryesore pritet që edhe këtë edicion – sikur të kaluarin – të jetë mes Hamilton dhe Verstappen.