Edhe pse ngre duart lart, ushtari rus vret qytetarin ukrainas

Një dron arriti të vëzhgojë vrasjen e një civili nga ushtarët rusë pranë Kievit. Dyshimet për krime lufte në Ukrainë po bëhen më të forta.

Mediumi gjerman ZDF kapi pamjet me dron nga një burim anonim në Ukrainë. Më 7 mars, një dron mbikëqyrës ukrainas po filmon autostradën E40 disa kilometra në perëndim të Kievit.

Në veri të autostradës, rusët kanë marrë kontrollin mbi periferi të Kievit. Droni kap në kamera tank rus pak metra larg një stacioni karburanti.

Tanku mban një nga shenjat tipike të identifikimit të bardhë të forcave ruse në Ukrainë. Përballë: një makinë blu, me sa duket e dëmtuar nga plumbat. Dhe në pyllin pranë tij: mund të shihet silueta e vogël por e dallueshme e ushtarëve që mbajnë pushkë.

Në afërsi të këtij tanku shihet edhe një veturë e bardhë, prej nga del edhe një qytetar ukrainas, i cili pavarësisht se ngre duart lart, goditet për vdekje nga ushtarët rusë. /Lajmi.net/

KUJDES: PËRMBAJTJA E MËPOSHTME KA PAMJE TË RËNDA