Dy banorë të Studeniçanit të arrestuar për kontrabandë me migrantët

Policia e Maqedonisë së Veriut ka arritur të arrestojë dy qytetarë të Shkupit të cilët po bartnin migrantë nga kufiri jugor i Maqedonisë së Veriut për në pjesën veriore, transmeton Portalb.mk.

Vetura “Seat Toledo”, brenda së cilës ishin edhe 7 migrantë nga Siria, ishte duke u vozitur nga 21 vjeçari O.I. nga fshati Uji i Kuq në Komunën e Studeniçanit. Ai fillimisht nuk kishte respektuar urdhrin për ndalesë nga policia.

Ndërkohë, me veturë “BMW” është kapur edhe 27 vjeçari A.N. nga fshati Koliçani i Epërm, fshat në Komunën e Studeniçanit. Ai kishte tentuar të ik, por ishte arrestuar nga policia.