Dominik Szoboszlai zbulon një gjë që Liverpool duhet të ndalojë së bëri

Dominik Szoboszlai ka pasur një fillim fantastik te Liverpooli. Ai iu bashkua skuadrës nga RB Leipzig në verë dhe ka qenë mbresëlënës, duke filluar në të pesë ndeshjet e Liverpoolit në Ligën Premier këtë sezon.

Reds tregojnë performancë të shkëlqyer tani, megjithatë, hungarezi pranon se ka një gjë që The Reds duhet të ndalojë së bëri.

Cituar nga Liverpoolfc.com, Szoboszlai ka thënë: “Unë jam i sigurt gjithsesi gjatë gjithë kohës, por sigurisht, ndërsa fitojmë ndeshjet dhe mund t’i kthejmë ndeshjet në rrugën tonë, kjo na jep edhe më shumë besim”.

“Do të ishte edhe më mirë nëse nuk jemi duke  humbur 1-0 dhe më pas duhet të ngrihemi. Nëse shënojmë golin e parë, është pak më e lehtë. Por, nëse jemi duke humbur, atëherë do të shkojmë për ta përmbysur rezultatin”.

“Ne thjesht duhet të jemi të përqendruar, duhet të jemi gati për gjithçka. Gjithashtu, ne e dimë se çfarë mund të arrijmë këtë vit, kështu që duhet të jemi gjithmonë gati. Trajtojeni çdo ndeshje sikur të ishte e fundit, çdo ndeshje sikur të ishte finalja e Ligës së Evropës apo Ligës Premier”.

“Unë jam duke kërkuar vetëm lojë për lojë, kështu që nuk po mendoj për 10 ndeshjet e ardhshme, nuk e di, 10 ndeshjet që do të vijnë. Ndeshja tjetër është kundër West Ham. Pra, po shikoj ndeshje pas ndeshje dhe thjesht përpiqem të bëj më të mirën time”, ka shtuar më tej Szoboszlai.

ARTIKUJ TË NGJASHËMMË SHUMË NGA AUTORI