Përmes një njoftimi në rrjetin scocial ‘Facebook’, ministrja e Drejtësisë Renata Deskoska bëri të ditur se është pranuar nominimi i qeverisë që ajo të jetë anëtare e Komisionit të Venedikut.
“Është pranuar nominimi im për anëtare të Komisionit të Venedikut. Kjo është vërtetim se janë përmbushur kriteret për anëtarësim në komision. Ju falënderoj për besimin”, shkroi Dekoska. Për nominimin e saj, reagoi edhe kryetari i VMRO DPMNE-së, Hristijan Mickoski, i cili akuzoi për konflikt të interesave.
Ai i bëri thirrje Komisionit Anti-korrupsion të reagojë për këtë rast. Ministrja e Drejtësisë theksoi se nuk ka konflikt të interesave, por edhe ajo i bëri thirrje komisionit të nis procedurën për këtë rast. /Klan Macedonia/
