Këshilltari për politikë të jashtme i kryeministrit Zoran Zaev, Dane Taleski është kandidat për ambasador në NATO, kanë konfirmuar burime qeveritare.
Kandidaturën e Taleskit, ministri i jashtëm Nikolla Dimtrov do ta dorëzojë në seancë qeveritare të enjten.
Posti i ambasadorit në NATO deri tani nuk është plotësuar, ndërsa Zaev dhe Dimitrov periudhën e kaluar kanë folur se për momentin kur vendi është në prag të anëtarësimit të plotfuqishëm në Aleancë, plotësimi i këtij pozicioni është me rëndësi.
Vendi pritet shumë shpejt të bëhet edhe anëtar zyrtar i NATO-s, ku edhe një ratifikim, ajo e Parlamentit të Spanjës e ndan nga anëtarësimi i plotfuqishëm.
