Los Angeles Clippers ka marrë fitoren e tretë radhazi në NBA dhe 33-të këtë edicion në elitën e basketbollit amerikan.
Në ndeshjen e zhvilluar në Kaseya Center të Miamit, Clippers kanë triumfuar përballë Heat me tetë pikë diferencë 103:95.
Më meritori për fitoren e skuadrës nga Kalifornia ishte padyshim Kawhi Leonard me 25 pikë, 11 kërcime e katër asistime.
Leonard u ndihmua edhe nga James Harden që e mbylli ndeshjen me 21 pikë, derisa me pikë dyshifrore kontribuan edhe Nick Powell me 16 dhe Paul George që shtoi 15 të tjera.
Te skuadra vendase më efikasi ishte Jimmy Butler me 21 pikë, por që nuk mjaftuan për fitore.
