Alex Oxlade-Chamberlain pritet të largohet nga Liverpooli.
Mesfushori anglez nuk ka gjetur hapësirat e duhura te skuadra e Liverpool dhe do të kërkojë një skuadër të re.
Sipas raportimeve të ‘Sky Sports’, Chamberlain është gati të largohet nga ‘Anfield’ gjatë kësaj vere, përcjell lajmi.net.
Fillimi i aventurës së Chamberlain te Liverpool kalonte nën hijen e shumë lëndimeve, kurse së fundmi konkurrenca e fortë e la jashtë formacionit bazë.
‘Reds’ nuk pritet që ta mbajnë lojtarin pa dëshirën e tij dhe besohet se do të kërkojnë një çmim të arsyeshëm për kartonin e tij.
Aston Villa dhe West Ham janë dy skuadrat favorite për nënshkrimin e lojtarit.
