Së fundi performanca e Ronela Hajatit gjatë provave në Torino të Italisë ka marrë vëmendje të madhe.
Kjo pasi ajo për një moment vë dorën tek pjesa intime, shkruan lajmi.net.
Madje edhe fotot nga faqja zyrtare e ‘Instagramit’ të “Eurovisionit” u fshie.
Ardit Çuni, i cili është pjesë e delegacionit shqiptar në “Eurovision” ka sqaruar për herë të parë se si qëndron e vërteta e censurimit të fotove të Ronela Hajatit, të shkëputura nga prova e parë në festivalin evropian.
Përmes një video live me gazetarin William Lee Adams, ai theksoi se nuk do të ndryshohet asgjë nga performanca e saj.
“Janë fshirë fotot e Ronelës për shkak se fotoja kryesore mund të interpretohej si një performancë +18. Por ishte një frame nga e gjithë videoja. E pamë dhe e vendosëm që nuk ka asnjë gjë të keqe që nuk shkon. Janë ringarkuar fotot më vonë por sa i përket videos nuk do të ketë asnjë censurim dhe Ronela do të ketë atë që ka pasur nga fillimi.”, tha ai.
