Presidenti i shtëpisë më të madhe në futboll, UEFA, Aleksander Ceferin, ka folur në lidhje me Evropianin e radhës.
Italia po pretendon të jenë nikoqir të kampionatit të ardhshëm evropian, Euro2023.
Por, një gjë e tillë nuk pritet të ndodhë, pasi sipas Ceferin italianët nuk kanë stadiume as për finalen e Ligës së Kampionëve, ndërsa ata kanë nevojë për garancinë e stadiumeve.
“Nuk ka asnjë stadium të vetëm që mund të presë një finale të Ligës së Kampionëve, kjo është e pabesueshme. Turqia është një rival i fortë, kam folur shumë me Gabriele Gravina (Presidentin e Federatës italiane të futbollit), por besoj se qeveria e ka kuptuar plotësisht vlerën e futbollit evropian. Ne kemi nevojë për më shumë garanci për stadiumet”, tha ai për ‘Gazzetta dello Sport’.
Shtatorin e vitit të ardhshëm do të vendoset se në cilin vend do të mbahet Euro2023, me Turqinë që po shihet si favorite.
