Robert Lewandowski ka filluar të lidhet me një transferim të mundshëm te skuadra e Barcelonës, por një gjë e tillë nuk është në listën e tij të prioriteteve.
Ylli polak, përveç formës së jashtëzakonshme dhe golave, po trajtohet si temë në mediat e sportit edhe për një transferim të mundshëm te Barca.
Megjithatë, mediat gjermane, më saktësisht ‘Bild’, bën të ditur se lojtari është në pritje për të nisur negociatat për rinovimin e kontratës me Bayern Munich, përcjell lajmi.net.
Kanë mbetur edhe një vit kohë para se kontrata e Lewa me Bayern të skadojë.
Lojtari thuhet se ka filluar të humb durimin e tij nga neglizhenca e bavarezëve për të nisur negociatat.
Barcelona po synon ta shfrytëzojë gjithë këtë situatë dhe ta sigurojë kartonin e lojtarit me një çmim të reduktuar.
