Pas votimit të qeverisë së re të Kosovës në krye me Albin Kurtin kryeministër, ambasadori amerikan në Prishtinë, Philip Kosnett ka shkruar në profilin e tij në rrjetin social Twitter.
Kosnett ka uruar formimin e Qeverisë së re, duke shtuar se është i gatshëm të bashkëpunojë me të gjitha institucionet e reja.
“Urime për formimin e qeverisë së re. Mezi pres të bashkëpunoj me të gjitha institucionet e Kosovës, partitë e tjera dhe palët e interesuara të shoqërisë civile për të forcuar drejtësinë dhe prosperitetin dhe për të ndihmuar Kosovën të ndërtojë marrëdhënie paqësore me fqinjët e saj”, ka shkruar Kosnett.
