Kalidou Koulibaly pritet të largohet nga skuadra e Napoli.
Mbrojtësi senegalez, Koulibaly vazhdon të lidhet me një largim të mundshëm nga skuadra e Napoli dhe tani si destinacion i mundshëm shihet ‘Stamford Bridge’.
Lojtari lidhej edhe me një kalim të mundshëm te skuadra e Juventus, por ky opsion është hedhur poshtë së fundmi nga mediat italiane, përcjell lajmi.net.
Koulibaly shihet si i duhuri për të mbuluar hapësirat e Antonio Rudiger e Andreas Christensen te skuadra e Chelsea.
Agjenti i lojtarit ka biseduar së fundmi me përfaqësues të Chelsea dhe palët janë në rrugë të mirë për një marrëveshje.
Senegalezi ka një kontratë të vlefshme me Napoli deri në vitin 2023 dhe akoma nuk i është përgjigjur ofertës së Napoli për rinovim. Kontrata e re me Napoli do t’i sillte 6 milionë euro për sezon.
