Presidenti Donald Trump ka thënë se do të jetë i përfshirë “indirekt” në bisedimet midis Iranit dhe Shteteve të Bashkuara, të cilat do të fillojnë sot në Gjenevë.
Duke folur me gazetarët në bordin e avionit Air Force One, presidenti amerikan shtoi se besonte se Irani donte të arrinte një marrëveshje mbi programin e tij bërthamor.
Raundi i dytë i bisedimeve në Zvicër vjen pas kërcënimeve të përsëritura ushtarake kundër Iranit për shkak të shtypjes vdekjeprurëse të protestave antiqeveritare nga ana e vendit dhe mosmarrëveshjes së vazhdueshme mbi programin e tij bërthamor.
Të hënën, ministria e jashtme në Teheran tha se besonte që qëndrimi i SHBA-së mbi çështjen bërthamore ishte zhvendosur drejt “një pozicioni më realist”.
Duke i cilësuar bisedimet si “shumë të rëndësishme”, Trump sugjeroi që Teherani këtë herë ishte i motivuar për të negociuar.
“Nuk mendoj se ata duan pasojat e mosarritjes së një marrëveshjeje”, tha Trump, duke shtuar se Irani i mësoi pasojat e një qëndrimi të ashpër në bisedimet verën e kaluar kur SHBA-të bombarduan vendet bërthamore iraniane .
© SYRI.net
