Naser Pajaziti
Zgjedhjet e tetorit janë më shumë se një garë për pushtet.
Ato janë një test i madh i besueshmërisë politike, një provim i cilësisë së lidershipit dhe një moment kyç për sistemin demokratik në tërësi.
Në këtë udhëkryq, nuk vendoset vetëm se kush do të qeverisë për katër vitet e ardhshme, por edhe se kush ka ende legjitimitet për të folur në emër të qytetarëve.
Prej vitesh, politika ka hyrë në një cikël të konsumuar premtimesh, ku pritshmëritë e qytetarëve dhe veprimet e pushtetit nuk kanë përputhje. Qytetari është bërë më i vëmendshëm, më kritik dhe më pak i gatshëm të pranojë retorikën boshe. Në këtë kontekst, këto zgjedhje nuk do të matin vetëm numra, por do të tregojnë peshën e vërtetë të secilit.
Kolltukët do të lëkunden jo nga intrigat e zakonshme të prapaskenës, por nga fuqia e gjykimit qytetar.
Dhe çdo karrierë politike e ndërtuar mbi kalkulime afatshkurtra, mbi kompromis pa vizion, mbi heshtje dhe konformizëm, rrezikon të marrë fund!
Të gjitha kategoritë e politikanëve pa përjashtime më 19 tetor do të përballen me gjykimin e qytetarëve – dhe gjykimi nuk fal!
*Status facebook’u nga gazetari Naser Pajaziti
