–Maqedonia e Veriut është pjesë e Europës, gjithmonë ka qenë pjesë e Europës dhe tani është koha që të bëhet pjesë e familjes euorpiane, këtë e tha sot mes tjerash kryeministri i Sllovenisë pas takimit me homologun e tij nga Maqedonia e Veriut, përcjell TV21. Kryeministri slloven, Robert Golob tha se mënyra e vetme për stabilizimin e Ballkanit është anëtarësimi i vendeve në BE.
“Mënyra e vetme për stabilizimin e Ballkanit Perëndimor është afrimi drejt Bashkimit Europian, nuk ka tjetër mundësi, për këtë Ballkani Perëndimorë duhet të bëhet pjesë e BE-së. Kjo është mënyra e vetme për stabilizim. Sllovenia për këtë do të mundohet, jo vetëm me ndihmë teknike, por me mbështetje politike në këtë rrugë”, tha mes tjerash kryeministri i Sllovenisë, Robert Golob.
