Qindra tifozë të Argjentinës shkuan nëpër rrugët e Buenos Aires vetëm për të parë futbollistin e famshëm, Lionel Messi.
Ylli i Paris Saint-Germain është kthyer në Argjentinë, përpara një miqësore ndërkombëtare kundër Panamasë, dhe sapo u përhap lajmi se ai ishte me familjen e tij në restorantin Don Julio në Palermo, Messi u prit me një turmë masive njerëzish, shkruan TMZ, transmeton Klankosova.tv.
Në videot amatore, Messi u pa se kishte nevojë për shoqërimin e policisë për të dalë nga ndërtesa pak para orës 2 të mëngjesit, ku njerëzit bërtisnin dhe dëshironin me ngulm të bënin foto me yllin e futbollit.
Pavarësisht numrit dërmues të njerëzve që kishin dalë të prisnin, Messi dukej shumë i lumtur, teksa kalonte nëpër turmën e njerëzve.
