Ylli i NBA, Anthony Edwards është gjobitur me 40 mijë dollarë.
Liga e NBA ka njoftuar të martën për masat e marra ndaj Anthony Edwards, pasi ky i fundit përdori gjuhë fyese dhe poshtëruese në rrjetet sociale, përcjell lajmi.net.
Një video e postuar nga lojtari i Minnesota Timberwolves shfaqte një grup njerëzish dhe basketbollisti dëgjohej duke dhënë komente negative për ta.
21 vjeçari ka kërkuar falje për komentet e tij, duke thënë se sjellja e tij ishte e pamatur.
“Ajo që thash ishte papjekuri, lënduese dhe mosrespektuese, më vjen jashtëzakonisht keq”, është shprehur Edwards, përcjell lajmi.net
“Është e papranueshme për mua dhe gjithsecilin që të përdorë atë lloj gjuhe. Nuk ka arsyetim. Jam rritur më mirë sesa kaq”, shtoi tutje basketbollisti.
Lidhur me rastin e Edwards ka reaguar edhe skuadra e Timberwolves, duke shprehur keqardhjen për gjuhën dhe sjelljet e lojtarit të tyre.
