Nga ora 4 e mëngjesit e 24 shkurtit 2022, kur filloi sulmi i armatosur i Federatës Ruse kundër Ukrainës, deri në orën 00:00 të mesnatës së 2 prillit 2022 (koha lokale), Zyra e Komisionarit të Lartë të OKB-së për të Drejtat e Njeriut (OHCHR) regjistroi tre mijë e 455 viktima civile në Ukrainë: Një mijë e 417 të vrarë dhe dy mijë e 38 të plagosur.
293 burra, 201 gra, 22 vajza dhe 40 djem, si dhe 59 fëmijë dhe 802 të rritur, seksi i të cilëve nuk dihet ende janë vrarë nga sulmet ruse në Ukrainë. Ndërkaq janë plagosur 241 burra, 187 gra, 41 vajza dhe 38 djem, si dhe 92 fëmijë dhe një mijë e 439 të rritur, seksi i të cilëve nuk dihet ende.
OKB-ja thotë se shumica e viktimave civile të regjistruara u shkaktuan nga përdorimi i armëve shpërthyese me një zonë të gjerë ndikimi, duke përfshirë granatimet nga artileria e rëndë dhe sistemet e raketave të shumta lëshuese, si dhe sulmet me raketa, transmeton Klankosova.tv
OHCHR beson se shifrat aktuale janë dukshëm më të larta, pasi marrja e informacionit nga disa vende ku kanë ndodhur armiqësi të forta është vonuar dhe shumë raporte janë ende në pritje të vërtetimit. Kjo ka të bëjë, për shembull, me Mariupol dhe Volnovakha (rajoni i Donetskut), Izium (rajoni Kharkiv), Popasna (rajoni Luhansk) dhe Irpin (rajoni i Kievit), ku ka pretendime për viktima të shumta civile.
