Një krim i rëndë brenda familjes ka ndodhur në fshatin Nenshat të Vaut të Dejës, qarku Shkodër.
Mësohet se një grua 40 vjeçare është vrarë me kallashnikov nga bashkëjetuesi i saj.
Autori i ngjarjes raportohet të jetë rreth 50 vjeç, njofton Tv Klan.
Ky i fundit, pasi vrau bashkëjetuesen, tentoi të vriste edhe veten, por ka mbetur i plagosur dhe është në Spitalin e Shkodrës në kujdesin e mjekëve.
Në vendngjarje kanë shkuar forcat e policisë, ndërsa grupi hetimor ka nisur punën për zbardhjen e motiveve.
Paraprakisht dyshohet që krimi të ketë ndodhur pas një konflikti mes çiftit.
Informacioni paraprak i Policisë së Shkodrës:
Më datë 09.01.2022, rreth orës 16:44, në fshatin Nenshat, Bashkia Vau i Dejës, në rrethana ende të paqarta shtetasi N. H., rreth 50 vjeç, dyshohet se ka vrarë me armë zjarri ish bashkëjetuesen e tij, shtetasen Gj. T., 40 vjeçe.
Shtetasi N.H pas krimit dyshohet se ka tentuar të vrasë veten dhe për pasojë ka mbetur i plagosur dhe ndodhet nën kujdesin e mjekëve në Spitalin Rajonal Shkodër.
Grupi hetimor po vijon punën për sqarimin e rrethanave dhe zbardhjen e ngjarjes.
