Ish zëvendës kryeministri dhe ministri për shëndetësi, Imer Selmani, vlerëson se kryeministri Zoran Zaev është ngutur me ofertën për qeveri të zgjeruar.
Sipas tij, pajtimi, që e synon kryeministri Zaev, është opsion vështirë i realizueshëm në Ballkan.
“Kryeministri u ngut vetëm 2-3 ditë pasi e konfirmoi besimin nën Kuvend të ofrojë qeveri të zgjeruar, e cila as nuk u kuptua, as nuk u pranua. Pse një ofertë e tillë serioze ndodhi aq shpejtë. Mendoj se burimi i ofertës është në vetë bazën dhe dëshirën e madhe të kryeministrit të ketë pajtim në bazë, të cilën ai e quajti një shoqëri për të gjithë. Për fat të keq, një gjë e tillë nuk gjen tokë pjellore në Ballkan, kur kemi ndarje të këtillë në shoqëri. Dëshirën për një shoqëri për të gjithë kryeministri e dha jo sa duhet të menduar”, tha Selmani si mysafir në Tv24.
Maqedoni Selmani: Zaev u ngut me ofertën për qeveri të zgjeruar