Zhytësit gjejnë 32 vetura në fund të liqenit në Florida, kërkimit të një personi të zhdukur çoi në zbulimin “tronditës”

Zhytësit që punojnë për një kompani private të hetimit të personave të zhdukur, thanë se gjetën 32 vetura ndërsa eksploronin një liqen të vendosur në një park industrial në perëndim të Miamit.

Ata njoftuan policinë, e cila mëngjesin e së martës nisi të nxirrte automjetet nga liqeni.

Veturat që ata nxorën të martën datojnë rreth viteve 90 dhe të gjitha lidhen me automjetet e vjedhura.

Ata presin që shumë njerëz të ndihmojnë në mbylljen e rasteve të veturave të vjedhura prej dekadash, por nuk e kanë përjashtuar mundësinë e gjetjes së provave të reja në lidhje me vrasjet.

Pa qenë në gjendje të konfirmojë se sa vetura janë varrosur në fund të liqenit, ka të ngjarë të duhen disa ditë të tjera që policia të përfundojë nxjerrjen e tyre.

Zëdhënësi i policisë së Miami, Dade Alvaro Zabaleta tha se vetura e parë e nxjerrë nga liqeni është konfirmuar si e vjedhur.

Numri përfundimtar i veturave në liqen nuk është konfirmuar ende për shkak të dukshmërisë së dobët, por komandanti i policisë Doral, Alicia Neal tha se janë rreth 30.

Policia gjeti gjithashtu një furgon Ford Econoline, një Cadillac Sedan DeVille dhe një Ford Crown Vic të martën.

Të katër veturat janë të lidhura me raportet e automjeteve të vjedhura që datojnë që nga viti 1996, sipas Neal.

Zabaleta tha se presin që të gjitha veturat të jenë të markave dhe modeleve më të vjetra, sepse ato ka të ngjarë të jenë hedhur përpara se të ndërtohej zona tregtare përreth, duke përfshirë një Ëalmart Supercenter, një shitës veturash dhe disa zinxhirë restorantesh të njohur.

New York Times raportoi se disa nga veturat në liqen mund të datojnë që nga periudha e grindjes ndërkombëtare në vitet 70 dhe 80 midis kartelëve kolumbianë të drogës dhe qeverisë së Shteteve të Bashkuara.

Zabaleta tha se ekipi i vrasjeve të MDPD-së nuk është çuar më parë në këtë liqen, por ata nuk po e përjashtojnë atë si një mundësi.