Presidenti ukrainas Volodymyr Zelensky tha se afërsisht 8,000 kilometra katrorë territor tani është çliruar nga forcat ukrainase deri më tani këtë muaj, me afërsisht gjysmën e zonës ende duke iu nënshtruar masave “stabilizuese”, shkruan CNN.
“Po zbulohen trupat e pushtuesve dhe grupeve diversante, po arrestohen bashkëpunëtorët dhe po rikthehet siguria e plotë.
Është shumë e rëndësishme që së bashku me trupat tona, me flamurin tonë, të kemi një jetë normale në territorin e de-okupuar”, tha Zelensky në fjalimin e tij të përditshëm të martën.
Në një deklaratë të hënën, Zelensky tha se shumica e territorit të çliruar të rimarrë nga forcat ukrainase që nga fillimi i shtatorit ishte përqendruar në verilindje dhe jug të vendit.
Zelensky premtoi të rifillojë menjëherë pagesat e pensioneve për të gjithë ukrainasit që jetojnë në zonat e rikuperuara së fundmi në mesazhin e tij të martën.
“Si shembull, në Balakliya, në Hrakove, pagesa e pensioneve për pesë muaj njëherësh, për kohën kur thjesht nuk mund të bënim pagesa për shkak të okupimit, tashmë ka filluar,” tha ai, duke shtuar se “Ukraina gjithmonë përmbush detyrimet e saj sociale ndaj njerëzve.”
