Presidenti i Ukrainës Volodymyr Zelensky ka thënë se vendit të tij i duhet më shumë kohë për të nisur një kundërofensivë të shumëpritur kundër Rusisë, pasi ushtria ka ende nevojë për ndihmën e premtuar perëndimore.
Sulmi i pritshëm mund të jetë vendimtar në luftë, duke rivizatuar vijat e frontit që për muaj të tërë kanë mbetur të pandryshuara.
Kjo do të jetë një provë vendimtare për Ukrainën, e etur për të provuar se ndihma e marrë mund të rezultojë në fitime të mëdha në fushën e betejës.
“Me [atë që kemi] ne mund të shkojmë përpara dhe të jemi të suksesshëm,” tha presidenti.
“Por ne do të humbnim shumë njerëz. Unë mendoj se kjo është e papranueshme,” tha ai në selinë e tij në Kiev, në një intervistë për transmetuesit e shërbimit publik që janë anëtarë të Eurovision Neës, si BBC, transmeton Klankosova.tv.
“Pra, ne duhet të presim. Na duhet ende pak më shumë kohë.”
Zelensky i përshkroi brigadat luftarake, disa prej të cilave u trajnuan nga vendet e NATO-s, si “të gatshme”, por tha se ushtrisë ende i duheshin “disa gjëra”, duke përfshirë automjete të blinduara që “mbërrinin në grupe”.
Në javët e fundit, autoritetet ukrainase u përpoqën të ulin pritshmëritë për një përparim, si publikisht ashtu edhe privatisht, transmeton Klankosova.tv.
