Një varrim i pasur luftëtari, me mburojë, përkrenare, shtiza, shpatë dhe objekte prej ari, bronzi e qelibari, është zbuluar në nekropolin arkaik Rasnica, pranë fshatit Koroshishtë të Strugës.
Sipas Muzeut Kombëtar Arkeologjik, zbulimet e reja konfirmojnë rëndësinë e lokalitetit për studimin e rajonit të Ohrit dhe Strugës në shekullin VI para erës sonë. Gjetjet mund të ndihmojnë në kuptimin më të mirë të riteve të varrimit, organizimit ushtarak dhe strukturës shoqërore të komuniteteve të asaj kohe.
Rasnica tërhoqi vëmendjen e publikut që në vitin 2024, kur aty u zbuluan rreth 80 artefakte, përfshirë përkrenare bronzi me aplikime ari, mburojë, unaza e fletë ari, rruaza qelibari e qelqi, gjilpëra argjendi dhe enë bronzi.
Burimi: Plusinfo.mk
