Kryeministri Zoran Zaev sot realizoi takim me ambasadoren e Mbretërisë së Bashkuar Rejçell Gallouei, e cila i uroi mandatin e dytë dhe zgjedhjen e qeverisë së re duke i dëshiruar punë të suksesshme.
Siç informoi shërbimi qeveritar për media Zaev pas bisedës me ambasadoren, ka theksuar se janë të rëndësishme rezultatet e realizuara nga mandati i parë në drejtim të përforcimit të demokracisë dhe përmirësimin e lirive politike duke nënvizuar se gjatë mandatit të ardhshëm katërvjeçar Qeveria mbetet e përkushtuar në qëllimet strategjike, mes të cilave vend të rëndësishëm merr angazhimi për përmbushjen e obligimeve për anëtarësimin në NATO dhe përshpejtimin e procesit të integrimi në Bashkimin Evropian.
Në takim është konstatuar se Britania dhe Maqedonia e Veriut janë fuqishëm të përkushtuara në përforcimin e bashkëpunimit bilateral në plan ekonomik dhe rritjen e shkëmbimit tregtar.
Kryeministri Zaev dhe ambasadorja Gallouei kanë biseduar edhe për programet dhe masat të cilat ndihmojnë për tejkalimin e krizës shëndetësore-ekonomike nga Kovid-19 dhe zbatimi më i mirë i tyre për mbrojtjen e ekonomisë dhe standardeve jetësore të qytetarëve, me qëllim të vazhdimit të reformave pozitive në vendin tonë në fushën e mbrojtjes, sundimin e së drejtës dhe menaxhimin e mirë, thuhet në kumtesën e shërbimit qeveritar për media.
