Ylli i Mirënjohjes për Fatos Nanon, Rama: Lutem për të në këto orë të vështira

Kryeministri i Shqipërisë, Edi Rama i ka akorduar Kordonin e Madh me Yllin e Mirënjohjes publike, ish-kryeministrit Fatos Nano.

Përmes një postimi në Facebook, Rama shkruan se Nano ndodhet në një moment të vështirë në luftë me jetën në spital dhe në këto orë të vështira për të meriton lutjen dhe mirënjohjen e të gjithëve për atë që ai i ka dhënë shoqërisë shqiptare.

Rama ka përmendur kontributin e Nanos në periudhën e vështirë postkomuniste të vendit dhe e ka vlerësuar ish-kryeministrin për udhëheqjen e tij në ato vite.