Mbrëmë janë zhvilluar disa ndeshje interesante në ligën më të fortë të basketbollit në botë.
Golden State Warriors ka arritur të mposht me lehtësi Phoenix Suns 118-96.
Pjesa e parë ishte e baraspeshuar dhe rezultati pas dy çerekëve të parë ishte 51-48, por diferenca u bë në dy çerekët e fundit ku vendasit ishin të pandalshëm për të arritur fitore të fund.
Stephen Curry ishte më meritori për fitoren e Warriors me 23 pikë, pesë kërcime e pesë asistime.
Në anën tjetër Los Angeles Lakers janë mposhtur nga Los Angeles Clippers 115-119
Clippers ishin pothuajse gjatë tërë kohës në epërsi konstante të cilën arritën ta ruajnë deri në fund për të marrë një fitore të rëndësishme.
Më i miri te Clippers ishte Marcus Morris me 21 pikë, kurse te Lakers u dallua Anthony Davis me 27 pikë e 10 kërcime.
