Guvernatori i provincës Lipetsk të Rusisë thotë se grupi i mercenarëve të Wagner ka hyrë në këtë rajon.
Rajoni i Lipetsk është rreth 360 kilometra në jug të Moskës dhe shumë më afër kryeqytetit sesa Rostovit-on-Don, ku forcat e Wagnerit u shfaqën gjatë natës.
Autoritetet “po marrin të gjitha masat e nevojshme për të garantuar sigurinë e popullatës. Situata është nën kontroll”, tha guvernatori Igor Artamonov në Telegram, raporton Associated Press.
Ai nuk dha detaje për praninë e Wagner. Autoritetet në zonën, e cila është në jugperëndim të Rusisë, më herët u kërkuan banorëve të qëndrojnë në shtëpi të shtunën pasi grupi mercenar Wagner u zotua të merrte armët për të rrëzuar udhëheqjen ushtarake të vendit.
Forcat Wagner janë tashmë në kontroll të Rostovit pas një rebelimi brenda natës. Duket se ata tani kanë udhëtuar rreth 500 milje në veri ndërsa po lëvizin drejt Moskës.
