Vetëm dy koalicione parazgjedhore të komuniteteve, jo shumicë, do të marrin pjesë në procesin elektoral të parakohshëm të 14 shkurtit të Kosovës. Konfirmimi erdhi nga Komisioni Qendror Zgjedhor i Kosovës, pas përfundimit të afatit për partitë politike për certifikim për pjesëmarrje në zgjedhje.
Forcat politike kryesore të Kosovës do të garojnë të vetme, edhe pse u përfol për një koalicion të mundshëm mes Partisë Demokratike të Kosovës me Lëvizjen Nisma, si dhe mes Lidhjes Demokratike të Kosovës me Aleancën Kosova e Re. Ndërkohë, kryetarja e KQZ-së, Valdete Data, sqaroi në detaje mënyrën e konfirmimit të votuesve jashtë territorit pas kritikave nga ushtruesja e detyrës së presidentit, Vjosa Osmani. Daka theksoi se konfirmimi i aplikuesve për të votuar në zgjedhjet e 14 shkurtit do të bëhet duke i telefonuar ata tri herë, në kohë të ndryshme.
