90% do të duhej të ishin kryer, por deri më tani janë realizuar rreth 65% e punëve për dy kilometrat e para të rrugës Shkup-Bllacë. Vonesat janë për shkak se, siç thotë drejtori i NP “Rrugët shtetërore, Ejup Rustemi, në këtë zonë kanë dalë probleme me pjerrtësitë anësore.
“Kemi porositur enkas projektimin e kësaj pjese anësore dhe një mur mbajtës i cili është 280 metra i gjatë dhe 18-20 metra i lartë në këto 2 km rrugë dhe prandaj projektimi duhet të bëhet nga projektuesi që është “Hill”, duhet të revidohet nga Fakulteti i Ndërtimtarisë dhe pastaj të bëhet realizimi i kësaj pjese”.- deklaaroi Ejup Rustemi, drejtor NP “Rrugët Shtetërore”.
Keni parashikuar afat kohor për sa do të mund të mbyllej 10 kilometërshi dhe të lidhet me Korridorin 8?
“Po tani është në revizion projekti i cili po ashtu është projektuar nga kompania “Hill” për 10 kilometërshin e dytë. Është në revizion në Fakultetin e Ndërtimtarisë dhe pas mbylljes së revizionit do të ulemi dhe do ta përcaktojmë edhe afatin kohor që sa më shpejt të bëhet realizimi i këtyre, pasi që afati varet shumë nga objektet që janë në atë rrugë. Kur bëjmë fjalë për rrugën Shkup-Bllacë duhet të potencojmë se këtu kemi më shumë tunele. Në njërën anë do të kemi 6 tunele, e në anën tjetër të rrugës 5 tunele. Gjatësia e gjithë këtyre tuneleve do të jetë diku 2.2 km. Kemi edhe shumë ura dhe këto objekte e zvarrisin edhe më tepër realizimin e këtij projekti”.- tha Ejup Rustemi, drejtor NP “Rrugët Shtetërore”.
Është paraparë që rruga Shkup-Bllacë të lidhet me Korridorin 8, gjë që do të ndihmonte në lidhjen e drejtpërdrejt të Kosovës në këtë korridor paneuropian./TV21