Von Cramon: Samiti BE-Ballkani Perëndimor, ishte një dështim

Raportuesja për Kosovën në Parlamentin Evropian, Viola von Cramon, ka thënë që samiti i BE-së me Ballkanin Perëndimor ka qenë një dështim i madh.

Von Cramon përmes një postimi në Twitter, tha që kjo dërgon një “sinjal katastrofik”.

“Ky samit BE-Ballkan Perëndimor ka qenë dështim i madh. Dërgon sinjal katastrofik. Është vetëm një njeri i lumtur nga kjo situatë dhe ai ulet në Kremlin. I lanë të udhëtojnë në Bruksel, të gjashtë vendeve, dhe s’u dhanë asgjë. As Bosnja s’e mori statusin e kandidatit, edhe më keq Shqipëria e Maqedonia e Veriut s’nisën negociatat e pranimit dhe Kosova s’mori liberalizimin e vizave”, ka shkruar ajo në Twitter.