Gati 22 për qind e qytetarëve në Maqedoninë e Veriut jetojnë në varfëri, ndërsa 29,5 për qind e fëmijëve janë të ekspozuar ndaj rrezikut të varfërisë.
Sipas Platformës Maqedonase Kundër Varfërisë, vetëm 19 për qind e familjeve me fëmijë përfitojnë shtesa për fëmijë dhe familje. Gjithashtu, vetëm 45,5 për qind e fëmijëve të moshës 3 deri në 6 vjeç ndjekin kopshtet.
Organizata kërkon një strategji kombëtare kundër varfërisë, me masa konkrete dhe mbështetje më të madhe për familjet në nevojë.
