Tregtia midis Kinës dhe Afrikës u rrit me 27.4 për qind në periudhën janar-tetor

Tregtia e mallrave midis Kinës dhe Afrikës u rrit 27.4 për qind nga viti në vit në 1.34 trilionë juanë (209.7 miliardë dollarë amerikanë) në periudhën janar-tetor, treguan të dhënat nga Administrata e Përgjithshme e Doganave, të cilave u referohet “Xinhua”.

Norma e rritjes së importeve ka kaluar më shumë se eksportet në dhjetë muajt e parë. Eksportet e Kinës në Afrikë arritën në 782.54 miliardë juanë midis janarit dhe tetorit, 24.5 për qind më shumë nga viti në vit. Importet nga Afrika arritën në 558.14 miliardë juanë, 31.7 për qind më shumë në bazë vjetore.

Eksportet e Kinës në Afrikë përbëheshin kryesisht nga produkte mekanike dhe elektrike dhe produkte intensive të punës në dhjetë muajt e parë. (Fatosi)