Tregtia e shërbimeve në Kinë u rrit me 4.9 për qind në baza vjetore në katër muajt e parë të vitit, me eksportet e shërbimeve të udhëtimit dhe ato me njohuri intensive që raportuan një rritje veçanërisht të fortë, sipas të dhënave të publikuara nga Ministria e Tregtisë, shkruan “Xinhua”.
Sipas të dhënave, vlera totale e importeve dhe eksporteve të shërbimeve arriti në gati 2.49 trilionë juanë (rreth 364.65 miliardë dollarë amerikanë) nga janari deri në prill të këtij viti.
Gjatë kësaj periudhe, eksportet e shërbimeve të udhëtimit u rritën me ritmin më të shpejtë të çdo sektori të eksportit të shërbimeve, me 30.4 për qind në 147.15 miliardë juanë.
Tregtia e shërbimeve me njohuri intensive u rrit me 5.1 për qind në baza vjetore në 1.1 trilionë juanë gjatë së njëjtës periudhë, duke përbërë 44.4 për qind të të gjithë tregtisë së shërbimeve.
Eksporti i shërbimeve kulturore dhe argëtuese dhe tarifat për përdorimin e pronësisë intelektuale u rritën përkatësisht me 39.5 përqind dhe 20.8 përqind.
Sipas të dhënave, importet e shërbimeve të transportit arritën në 316.45 miliardë juanë gjatë kësaj periudhe, duke u rritur me 24.9 për qind, shkalla më e shpejtë e rritjes midis pesë kategorive kryesore të importit të shërbimeve.
