“Casa Cruz”, një vend luksoz për ahengje midis “Notting Hill” dhe “Holland Park”, mund t’i hiqet licenca e punës pasi organizoi festën e 30 vjetorit të lindjes së Rita Orës në mënyre të paligjshme, transmeton lajmi.net.
Sipas “Daily Star”, një kërkesë e bërë nga policia kërkon të heqë licencën e restorantit për veprimet e tij. Nëse është e suksesshme kërkesa do ta linte “Casa Cruz” të paaftë për të luajtur muzikë ose për të shërbyer alkool.
Rita shkaktoi zemërim publik duke thyer rregullat e bllokimit për festën e saj më 26 nëntor, ku morën pjesë të famshëm duke përfshirë Cara dhe Poppy Delevingne.
Dokumentet zyrtare të Policisë pretendojnë se festa e Ritës ishte në shkelje të rregulloreve të kufizimeve të koronavirusit në fuqi në atë kohë dhe shkelje të kushtit të licencës së lokaleve.
