Sektori për Punë të Brendshme-Tetovë, njofton se gjatë mbrëmë policia ka privuar nga liria 26 vjeçarin A.F. i cili ishte denoncuar nga bashkëshortja e tij për dhunë fizike. Policia punon në zbardhjen e rastit.
“Efektivët e policisë të SPB-Tetovës, mbrëmë (02-nëntor) rreth orës 20:55 kanë privuar nga liria 26-vjeçarin A.F. nga Tetova i cili më parë kishte qenë i raportuar nga gruaja e tij 24-vjeçare se e ka sulmuar fizikisht në shtëpinë e tyre familjare në Tetovë. I njëjti është ndaluar në Stacionin Policor të Tetovës për zbardhjen dhe dokumentimin e çështjes, pas së cilës do të përgatitet parashtresë adekuate”, thuhet në njoftimin e SPB-Tetovë. /Alsat.mk
