Erik ten Hag thuhet se është favorit për një punë të madhe nëse karrierës së tij në Manchester United i vjen fundi në fund të këtij sezoni.
Gjatë sezonit të tij të parë në Old Trafford, Ten Hag bëri një punë të mirë pasi siguroi kualifikimin në Ligën e Kampionëve dhe gjithashtu fitoi Carabao Cup.
Pas nënshkrimit të lojtarëve si Andre Onana, Mason Mount dhe Rasmus Hojlund në afatin kalimtar të verës, shumë prisnin që United të sfidonte pikërisht për kreun e tabelës në Ligën Premier.
Megjithatë, sezoni 2023/24 ka qenë ai që duhet të harrohet për Ten Hag pasi ekipi i tij nuk ka arritur të performojnë në nivelet e pritura.
Djajtë e Kuq janë aktualisht në vendin e gjashtë në tabelën e Ligës Premier, 13 pikë larg Aston Villas së vendit të katërt.
Në Evropë, ëndrra e tyre e Ligës së Kampionëve u shndërrua në një makth kur ata përfunduan në fund të grupit të tyre pas Bayern Munich, Copenhagen dhe Galatasaray.
Si rezultat, Ten Hag tani është nën presion të madh me investitorin e ri Sir Jim Ratcliffe që thuhet se kërkon një menaxher të ri për sezonin 2024/25.
Ndërkohë, Ten Hag është lidhur me një punë të re mes paqartësive për të ardhmen e tij në Old Trafford.
Sipas The Standard, holandezi është në listën e ngushtë të tre emrave për t’u bërë trajneri i ri i skuadrës së madhe nga Eredivisie, Ajax.
Besohet se Ten Hag, së bashku me trajnerin e Chelseat, Graham Potter dhe Francesco Farioli të Nice, janë ata që Ajax synon si trajnerin e tyre të ri.
